如果完全未做過生意，系咪做加盟店會好D呢？開間鋪再請2個人管理就搞掂曬？
加盟與否，我覺得揀咩行業適合自己先至系關鍵
上個禮拜有個老朋友搵我問有關台灣開「飲料店」情況，我了解佢既目的其實唔系真系想做飲食業，只系台灣可以加盟既生意多數都系飲食業，想移民黎台灣又有規定要請員工，做飲食請人又真系最實際，而且飲料店系台灣又真系開到成行成市，真系行幾十步就有一間，品牌多到數都數唔曬，到底系咪真系咁好做呢？
首先，要問下自己捱唔捱得。
一杯綠茶台幣$25就有交易，一日賣到500杯都系得$12500 生意，我當你一個鐘頭可以賣到30杯，一日要賣幾多個鐘先可以買到$10000生意？而30杯一個鐘又要請幾多人手先做到呢？呢個數字遊戲其實好易計。
因為綠茶紅茶售價太平，所以好多品牌為左增加每個客人既消費額都推出好多好似好特別既飲品，咩士多啤移梨粒粒奶、幻彩耀XX特飲等等，幾十個品牌都不停出新產品，真系飲到糖尿病都試唔曬，但實情又有幾多人真系會去試呢？就憑呢個營業額再計埋人手同產品成本，你就會知道到底好唔好做。
決定之前要做足功課
里奧叔叔覺得市場調查唔可以靠把口去問，要真系知道呢個加盟可唔可靠最好系親身去了解，加盟之前可以去其他同品牌加盟店附近企足一日，睇下一日裡面賣到幾多杯，辛苦一兩日做調查好過落錯決定輸錢輸時間，最慘系連信心都輸埋，如果我完全冇營商經驗，我情願揀選一行可以小試牛刀，一步一步邊做邊學好過。萬一揀錯行業蝕左投資事小，每個月租金人工水電月月蝕，又唔可以唔開鋪先系最慘。
咁到底點解仲有咁多人加盟呢？系邊度可以搵到加盟商既資料呢？
下次同大家分享…待續
想聽里奧分享多D有關我既台灣創業路同生活
🇹🇼請大家分享出去啦🇹🇼
記得like+follow呀
#里奧叔叔的台灣創業路
#投資移民
Search